Cluster Audiovisual Galego

O Clúster Audiovisual Galego renovou a súa imaxe corporativa para dar maior visibilidade aos valores de marca e reforzar a súa posición como órgano representativo do sector no mercado galego, nacional e internacional. O cambio de imaxe do Clúster inclúe tamén o lanzamento da campaña “Consume Audiovisual Galego”, que pretende difundir o talento e a calidade de Galicia a través dos produtos audiovisuais e fomentar o seu consumo.
 

A coprodución "Brujerías", da socia Agallas Films e a produtora brasileira Otto Desenhos Animados, e participada pola Televisión de Galicia, competirá por ser a mellor película de animación iberoamericana na cuarta edición dos prestixiosos Premios Platino do Cine Iberoamericano.
 

O presidente do Clúster Audiovisual Galego, Jorge Algora, participou o pasado venres no acto de presentación da nova programación de Coruña Dixital, unha iniciativa municipal posta en marcha o pasado ano e que ten como finalidade dar visibilidade e dinamizar as comunidades dixitais que existen na Coruña e facilitar a participación activa da veciñanza en novas prácticas culturais e creativas.

A Cidade da Cultura acolleu na tarde de onte, en Santiago, unha nova edición dos “Coloquios Clúster” organizados polo Clúster Audiovisual Galego entre representantes do Instituto de la Ciencias y las Artes Cinematográficas (ICAA) e o sector audiovisual de Galicia. 
 
A xornada contou co apoio do Instituto Galego de Promoción Económica (Igape) e co colaboración do ICAA, AGADIC e a Asociación Galega de Produtoras Independentes (AGAPI).