Noticias

Presentación e lanzamento do Plan DICO MINDSET, liderado por Amtega e os Clústers Audiovisual e TIC

O día 2 de maio terá lugar, na Cidade da Cultura de Galicia, en Santiago, a Xornada DICO in motion co obxectivo de presentar e poñer en marcha o DICO Mindset, o plan de acción para impulsar durante o 2018-2020 os contidos dixitais en Galicia, liderado pola Axencia para a Modernización Tecnolóxica de Galicia (Amtega), o Clúster Audiovisual Galego e o Clúster TIC Galicia.
 

O Clúster Audiovisual organiza un Curso sobre efectos especiais con fotogrametría e escaneado 3D para cine, televisión e publicidade

O Clúster Audiovisual Galego organiza un curso sobre “Efectos especiais con fotogrametría e escaneado 3D para cine, televisión e publicidade”, que se celebrará na Coruña do 11 de maio ao 15 de xuño, todos os venres en horario de 9 a 14 horas. 
 

"No dormirás" gaña dous premios no Festival de Málaga e anuncia a súa estrea para o 15 de xuño

Esta fin de semana, "No dormirás" obtivo dúas Biznagas de Prata na sección oficial do Festival de Cine de Málaga: os galardóns a Mellor Montaxe e a Mellor Fotografía. Belén Rueda, Natalia de Molina, Eva de Dominici e Germán Palacios encabezan o reparto da nova cinta do uruguaio Gustavo Hernández. Tralo grande éxito de público na súa estrea internacional, o 15 de xuño chega aos cines de toda España da man de Filmax.
 

Luisa Romeo, de Frida Films, seleccionada para o Producers on the Move de Cannes

European Film Promotion (EFP) seleccionou a 20 produtores europeos emerxentes para a súa nova edición, que se celebrará entre o 10 e o 14 de maio durante o Festival de Cannes. Entre os participantes estará a socia do Clúster e produtora de Frida Films, Luisa Romeo, responsable, entre outros títulos, de "María (y los demás)".
 

"El Fotógrafo de Mauthausen", de Mar Targarona e protagonizada por Mario Casas, estrearase o 26 de outubro

"El Fotógrafo de Mauthausen", dirixida por Mar Targarona, estrearase en cines o 26 de outubro da man de Filmax. A directora de "Secuestro" e produtora de títulos como "El Orfanato", "Los ojos de Julia" e "El cuerpo" regresa á dirección cunha  historia baseada en feitos reais e escrita por Alfred Pérez-Fargas e Roger Danés.
 

Zenit TV anuncia o reparto galego de “Elisa e Marcela”, o novo filme de Isabel Coixet

A produtora galega socia do Clúster Zenit TV anunciou o venres os nomes das actrices e actores galegos que formarán parte do reparto principal de “Elisa e Marcela”, a película que Isabel Coixet gravará en Galicia entre o 21 de maio e o 6 de xuño. A produción narra a fascinante historia de dúas mulleres que contraeron matrimonio na Coruña a principios do século XX.

Filmax distribuirá a retransmisión en directo desde o Teatro Alla Scala de Milán da ópera "Don Pasquale" en salas de cine

A nosa socia Filmax distribuirá nos cines españois a retransmisión en directo da ópera “Don Pasquale” de Gaetano Donizetti, mañá, xoves día 19, ás 20 horas desde o Teatro Alla Scala de Milán.
 

A TVG, líder absoluta de audiencia en Galicia

A TVG lidera a primeira onda do EXM de 2018 en Galicia e tamén o fai no acumulado anual. O liderado da TVG en Galicia é absoluto no cómputo semanal na primeira análise do Estudio Xeral de Medios, feita pública hoxe, acumulando unha cota do 18,7% de luns a domingo. A canle máis próxima, a máis de 5  puntos de distancia, é a televisión privada Antena 3.
 

A "slow tv" volve á CRTVG cunha nova edición de "Destino Santiago"

Tras o éxito da primeira experiencia de televisión "slow tv" ou "TVG amodiño" de España desenvolvida pola CRTVG o ano pasado co programa "Destino Santiago", os medios públicos galegos volven apostar pola tecnoloxía e o esforzo humano coa próxima tempada do espazo, que ten como principal protagonista o Camiño de Santiago e dous peregrinos que realizan o percorrido diante das cámaras.

Páxinas