Noticias

Álex de la Iglesia presentará "Errementari: el herrero y el diablo" o 26 de febreiro en Vitoria

Álex de la Iglesia presentará “Errementari: el herrero y el diablo”, o debut na longametraxe do director Paul Urkijo Alijo, o 26 de febreiro en Vitoria. Esta película está inspirada nun conto tradicional vasco titulado "Patxi Errementaria" e protagonizada por Kandido Uranga, Uma Bracaglia, Eneko Sagardoy e Ramón Agirre. O 2 de marzo estrearase en cines da man de Filmax.
 

O Clúster e Agadic promocionan cun evento especial o audiovisual galego no European Film Market de Berlín

O audiovisual galego presentouse o pasado domingo, día 18, en Berlín, diante de máis 200 de persoas nun acto promocional organizado polo Clúster Audiovisual Galego, en colaboración coa Axencia Galega das Industrais Culturais (AGADIC). O encontro desenvolveuse no marco da 30ª edición do European Film Market (EFM), un dos principais escaparates a nivel mundial da produción cinematográfica internacional.
 

O Clúster Audiovisual e 7 empresas socias participan na 30ª edición do European Film Market de Berlín

O Clúster Audiovisual Galego participará na trixésima edición do European Film Market de Berlín para apoiar o sector audiovisual de Galicia cun evento de promoción especial, organizado coa colaboración da Agadic, que terá lugar na tarde-noite do domingo 18 coa finalidade de intensificar as relacións entre os representantes do audiovisual galego desprazados coa prensa especializada e membros da industria internacional convidados. 
 

Koldo Serra dirixirá a Emma Suárez, Nathalie Poza e Hugo Silva en “70 BINLADENS”

Koldo Serra ("Gernika", "Bosque de Sombras") comezará dentro dunhas semanas a rodaxe da súa nova película, "70 BINLADENS", protagonizada por Emma Suárez, Nathalie Poza e Hugo Silva. A rodaxe deste thriller con guión de Javier Echániz, Asier Guerricaechebarria e Juan Gil Bengoa, terá lugar en Bilbao a partir de marzo. Filmax encargarase da distribución e vendas internacionais.
 

Filmax estrea o tráiler oficial de "Loving Pablo"

A película "Loving Pablo" estrea tráiler oficial a falta dun mes para a súa chegada  aos cines, o 9 de marzo, da man de Filmax. Escrita e dirixida por Fernando León de Aranoa, a película está protagonizada por Javier Bardem e Penélope Cruz, cun Javier “animal”, arrolador e ameazante, e unha Penélope deslumbrante e valente, que abraza o seu personaxe sen reservas.
 

As empresas do Clúster Audiovisual optan a 22 das 25 estatuíñas que entregarán os XVI Premios Mestre Mateo

As empreas do Clúster Audiovisual Galego optan a 22 dos 25 galardóns que se entregarán na XVI edición dos Premios Mestre Mateo, cun total de 74 nominacións. Nunha edición na que o thriller en galego "Dhogs", da socia Gaitafilmes, arrasa con 17 nominacións en 14 categorías, entre elas a mellor longametraxe, a mellor interpretación protagonista, para Iván Marcos e Melania Cruz, e a mellores actores de reparto, para María Costas, Antonio Durán "Morris", Carlos Blanco e Miguel de Lira. 
 

"El Autor" recibe dous premios Goya polas interpretacións de Javier Gutiérrez e Adelfa Calvo

"El Autor", película distribuída por Filmax, foi recoñecida con dous Premios Goya, outorgados pola Academia das Artes e as Ciencias Cinematográficas de España, a Mellor Actor Protagonista para Javier Gutiérrez e Mellor Actriz de Reparto para Adelfa Calvo.
 

A CRTVG desenvolve unha campaña sobre a seguridade e boas prácticas na rede co gallo do Día de Internet Segura

Sensibilizar sobre a seguridade en Internet e promover boas prácticas no eido dixital son os obxectivos da campaña que a CRTVG pon en marcha esta semana, arredor da celebración do Día de Internet Segura, o martes 6 de febreiro. A CRTVG emitirá un vídeo de produción propia, durante toda a semana, e incluirá nos seus principais informativos e programas de televisión, na radio e nas redes sociais, entrevistas, informacións e consellos de expertos e profesionais neste campo.
 

O Clúster Audiovisual participará na xornada profesional que estrea o Carballo Interplay na súa quinta edición

O Festival de Contidos Dixitais Carballo Interplay estrea xornada profesional na súa quinta edición, que celebrará os días 4, 5, 6 e 7 de abril, que contará coa participación do Clúster Audiovisual Galego, entre outras entidades e empresas. O CIP, evento pioneiro dende o seu nacemento no 2014 como primeiro festival de webseries español, mantén unha evolución constante, sempre atento ás novas linguaxes e xeitos de entender a narración e a cultura audiovisual na rede.

Páxinas